काठमाडौं, असोज १७ । लगातार ७ दिन घटेको सुनको भाउ आज भने बढेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला ३०० रुपैयाँले बढेर १ लाख ६ हजार ९०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ६ हजार ४०० रुपैयाँ निर्धारण भएको छ ।
यसअघि सुनको भाउ लगातार ७ दिनमा ५ हजार २०० रुपैयाँले घटेको थियो ।मंगलबार भने छापावाल सुन १ लाख ६ हजार ६०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ६ हजार १०० रुपैयाँ निर्धारण भएको थियो ।
बुधबार चाँदीको भाउ भने स्थिर रहेको छ । आज चाँदीको भाउ तोलाको १३ सय १० रुपैयाँ कायम रहेको छ ।
