काठमाडौँ, पुष २८। प्रधानमन्त्री पुष्पकमल दाहाल प्रचण्डको सचिवालयले आज दिउसो ३ बजे बालुवाटारमा सत्ता साझेदार दलको बैठक हुने जनाएको छ। मन्त्रिपरिषदलाई अघि बढाउने लगायतका विषयका बारेमा छलफल गर्न उक्त बैठक बस्न लागेको हो।
बैठकमा मन्त्रिपरिषद्को विस्तार, सभामुखको निर्वाचन, सरकारको प्रभावकारितालगायत विषयमा छलफल हुने बताइएको छ । सत्ता साझेदार दलमा एमाले, नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र नागरिक उन्मुक्ति पार्टी छन् ।
यसैबीच, आजै मन्त्रिपरिषद्को नियमित बैठक पनि राखिएको प्रधानमन्त्रीको सचिवालयले जनाएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा बिहान ११ बजे मन्त्रिपरिषद् बैठक बस्नेछ ।
