काठमाडौं, असोज ९ । इन्द्रजात्राका कारण असोज ११ १२ र १५ गते काठमाडौं महानगरपालिकाभित्रका विभिन्न सडकमा सवारीसाधन चलाउन नपाइने भएको छ ।
जसमा, बिहीबार (असोज ११ गते) बसन्तपुर, मरु, चिंकमुगल, जैसीदेवल, लगन, ब्रह्मटोल, ह्युमत, कोहिटी, भीमसेन स्थान, मरु हुँदै बसन्तपुरसम्म रथयात्रा हुनेहुँदा ती क्षेत्रमा सवारी आवागमन प्रभावित हुनेछ ।
शुक्रबार (असोज १२ गते) बसन्तपुर, प्याफल, यट्खा, नरदेवी, टेंगल, न्ह्योखा, न्हेकतला, असन, मच्छिन्द्रबहाल, इन्द्रचोक, मखन, हनुमानढोका हुँदै बसन्तपुरसम्म रथयात्रा हुने हुँदा उक्त सडक प्रभावित हुने छ ।
यस्तै, असोज १५ गते बसन्तपुर, प्याफल, यट्खा, नरदेवी, किलाघ भेडासिं, इन्द्रचोक, मखन हुँदै बसन्तपुरसम्म रथयात्रा हुनेछ । जसले गर्दा उक्त क्षेत्रमा सवारी आगमन प्रभावित हुने भएकाले महानगरपालिकाले वैकल्पिक बाटो प्रयोग गर्न आग्रह गरेको हो ।
Published Date: 26 September 2023
