चीन, असोज ७ । चीनमा जारी १९औँ एसियाली खेलकुदअन्तर्गत टेबलटेनिस टिम इभेन्टमा नेपाल समूह चरणबाटै बाहिरिएको छ । नेपाली महिला र पुरुष दुवै टिम टिम इभेन्टको समूह चरणबाटै बाहिरिएका छन् ।
शनिबार यहाँ गोङ्सु नहर खेलकुद पार्क जिम्नेसियममा भएको खेलमा नेपाली महिला टोली भारतसँग ३–० गोलले पराजित भएको हो ।
नेपालकी सिक्का सुवाल भारतकी दिया पराग चितलेसँग ११-१, ११-६ र ११-८ ले पराजित भइन् भने नविता श्रेष्ठलाई अहिका मुखर्जीसँग ११-३, ११-७ र इभाना थापा मगर सुतीर्थ मुखर्जीसँग १-११, ५-११ र २-११ ले पराजित भइन् ।
यस्तै नेपाली पुरुष टोली पनि उत्तर कोरियासँग ३–० ले पराजित भएको थियो ।
सम्योग कपाली उत्तर कोरियाका खेलाडीसँग ७–११, ४–११ र ५–११ को सोझो सेटमा पराजित भएका थिए । अर्को खेलमा रुबिन महर्जनलाई ११–२, ११–६ र ११–२ को सोझो सेटमा पराजित गर्दै बिलोश श्रेष्ठ भारतसँग ८–११, २–११ र ३–११ को सोझो सेटमा पराजित भए ।
