बलेवा (बागलुङ), भदौ १७ । कालीगण्डकी करिडोर सडकको बागलुङ खण्डमा पहिरो खसेपछि सडक अवरुद्ध भएको छ । शनिबार राति परेको अविरल वर्षाका कारण पहिरो खसेपछि आज बिहानदेखि उक्त खण्ड अवरुद्ध भएको हो ।
जसका कारण जिल्लाको दक्षिणी भेगका सबै स्थानीय तह र छिमेकी जिल्ला पर्वत र गुल्मीसँगको सडक सम्पर्क अवरुद्ध भएको छ ।
कालीगण्डकी करिडोरको बलेवा खण्डअन्तर्गत बागलुङ नगरपालिका–१० दबल्याङमा पहिरो खसेपछि सडक अवरुद्ध भएको ट्राफिक प्रहरी प्रमुख मीनबहादुर खड्काले जानकारी दिए।
यसैबीच बाग्लुङ नगरपालिकाले पहिरो पन्छाएर सडक सञ्चालनका लागि खुला गर्ने प्रयास गरिरहेको छ ।
Published Date: 03 September 2023
