संसदमा जारी गतिरोधप्रति राष्ट्रपति पौडेलद्वारा चासो व्यक्त

संसदमा जारी गतिरोधप्रति राष्ट्रपति पौडेलद्वारा चासो व्यक्त : Icon Khabar

काठमाडौं, साउन २६ । संसदमा जारी गतिरोधप्रति राष्ट्रपति रामचन्द्र पौडेलले चासो व्यक्त गरेका छन् । राष्ट्रपतिका प्रेस सल्लाहकार किरण पोखरेलका अनुसार राष्ट्रपति पौडेलले शुक्रबार बिहान शीतलनिवासमा सभामुख देवराज घिमिरे र राष्ट्रियसभाका सभामुख गणेशप्रसाद तिमिल्सिनासँगको भेटमा संसद्भित्रको गतिरोधबारे चासो व्यक्त गरेका हुन् ।

राष्ट्रपति पौडेलले गतिरोध हटाउनका लागि भइरहेको पहलबारे जिज्ञासा राख्दै लामो समयसम्म संसद् चल्न नसके जनतामा भ्रम पैदा हुने र कानून निर्माण प्रक्रियामा समेत बाधा पुग्ने बताए ।

सभामुख घिमिरे र राष्ट्रियसभाका अध्यक्ष तिमिल्सिनाको ध्यानाकर्षण पनि राष्ट्रपति पौडेलले गतिरोध हटाउन र संसद्को काम कारवाही सुचारु गर्न आवश्यक कदम चाल्न आग्रह गरेका छन् ।

नेकपा एमालेले एक सय केजी सुन तस्करी प्रकरणको छानबिन गर्न उच्चस्तरीय छानबिन समिति गठन गर्न माग गर्दै संघीय संसदको बैठक अवरुद्ध गर्दै आएको छ ।

Published Date: 11 August 2023
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
अनुशासन, आत्मनिर्भरता र सेवाभाव सिकाउँदै ककनीमा दोस्रो स्काउट फ्रेन्डसिप क्याम्प सम्पन्न