काठमाडौं, साउन २५ । अभिनेत्री पूजा शर्मा आफ्नो व्यवसायको प्रचारमा लागेकी छिन् । हातमा फिल्म नभएको मौका पारेर अहिले उनी आफ्ना प्रेमीसंग साझेदारी गर्दै रेस्टुरेन्ट व्यवसायमा सक्रिय छिन् । झम्सिखेलमा सञ्चालनमा आएको ट्याग नाम राखिएको त्यही रेस्टुरेन्टको प्रचारमा उनी अहिले जुटेकी छिन् ।
अझ सामाजिक सञ्जालमार्फत उनले आफ्नो रेस्टुरेन्टको विज्ञापन गरिरहेकी छिन् भन्दा फरक पर्दैन । अभिनेत्री गौरी मल्ल आफ्नो रेस्टुरेन्टको पहिलो पाहुना बनेकोदेखि फिलिप डिसीहुँदै समीक्षा अधिकारीको प्रस्तुतिसमेत उनको रेस्टुरेन्टमा भैसकेको छ ।
रेस्टुरेन्टमा बुधवार लेडिज नाइट विशेष थिम राखिएको थियो, जहाँ गायिका समिक्षा अधिकारीले प्रस्तुति दिएकी छिन् । बुधवार नै अभिनेत्री एलिजा गौतम पनि पूजाको रेस्टुरेन्ट पुगेकी छिन् । एकताका समीक्षाकै विरोध गरेर नथाक्ने पूजा अहिले आफ्नो फाईदाका लागि उनैलाई बोलाएर गाउन लगाउँदै छिन् भन्दै टिप्पणी समेत नभएका होइनन् ।
Published Date: 10 August 2023
