काठमाडौं, साउन २१ । प्रधानमन्त्री पुष्पकमल दाहालले भारतको उत्तराखण्ड राज्यको रुद्रप्रयागस्थित गौरीकुण्डमा बिहीबार गएको पहिरोमा परी ज्यान गुमाउनेप्रति दुःख व्यक्त गरेका छन् ।
प्रधानमन्त्री दाहालले सामाजिक सञ्जालमार्फत मृतकप्रति श्रद्धाञ्जली अर्पण गर्दै शोकसन्तप्त परिवारजनमा समवेदना व्यक्त गरेका छन् ।
“गौरीकुण्ड पहिरोमा परी १३ नेपाली सहित १९ जना बेपत्ता भएको खबरले गहिरो दुःख लागेको छ । यस दु:खद घडीमा दुर्घटनामा परी ज्यान गुमाउनेहरुप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गर्दछु ।” प्रधानमन्त्रीले भने ।
बेपत्ताहरुको खोजीका लागि कूटनीतिक पहल भइरहेको पनि उनले बताए ।
Published Date: 06 August 2023
