नयाँ दिल्ली, पुष २२। (सिन्ह्वा) – उत्तरी भारतीय राज्य उत्तर प्रदेशमा शीतलहरको अवस्थाको बीचमा एकै दिन हृदयघातका कारण कम्तीमा २२ जनाको मृत्यु भएको अधिकारीहरूले शुक्रबार बताएका छन्। उत्तर प्रदेशको राजधानी लखनउबाट ८८ किलोमिटर पश्चिममा रहेको कानपुरमा मृत्यु हुनेको रिपोर्ट आएको छ।
लक्ष्मीपत सिंघानिया इन्स्टिच्युट अफ कार्डियोलोजी एन्ड कार्डियाक सर्जरी (एलपीएस इन्स्टिच्युट अफ कार्डियोलोजी) कानपुरले जारी गरेको तथ्यांकअनुसार बिहीबार अस्पतालको आकस्मिक तथा बहिरंग विभाग (ओपीडी)मा ७२३ जना मुटुका बिरामी आएका थिए। अस्पतालमा सात जनाको उपचारकै क्रममा मृत्यु भएको र १५ जनालाई आइपुग्दामै मृत घोषणा गरिएको तथ्यांकले देखाएको छ ।
अस्पतालका डाक्टरहरूले कानपुरमा फैलिएको शीतलहरको अवस्थालाई हृदयघातको कारणले गर्दा रक्तचापमा अचानक वृद्धि भएको बताए।
“कानपुरमा, कडा शीतलहर बढेको छ जसका कारण हृदय रोगबाट पीडित मानिसहरूको गुनासो बढेको छ,” एलपीएस इन्स्टिच्युट अफ कार्डियोलोजीका निर्देशक विनय कृष्णले भने।
कानपुरका स्वास्थ्य विज्ञहरूले युवालगायत मानिसहरूलाई आफूलाई न्यानो राख्न र घरभित्रै बस्न सल्लाह दिएका छन्। उत्तर भारत विगत केही दिनदेखि शीतलहरको चपेटामा परेको छ । उत्तरी राज्यहरूमा दिनको तापक्रममा उल्लेख्य गिरावट आएको छ र घाम अझै पनि छैन।
