भक्तपुर,साउन १३ । राष्टिय स्वतन्त्र पार्टी (रास्वपा) भक्तपुर नगर समितिको सभापतिमा राजेश शिल्पकार सर्बसम्मत चयन भएको छ । आज शनिबार भएको भक्तपुर नगर समिति गठन कार्यक्रममा राजेश शिल्पकारको सभापतित्वमा ११ सदस्यीय नयाँं कार्यसमिति गठन भएको हो ।
पार्टी केन्द्रिय सभापति रवि लामिछानेको प्रमुख आतिथ्यतामा भएको कार्यक्रममा पार्टीको संसदीय दलका प्रमुख सचेतक सन्तोष परियार विशेष अतिथि रहेका थिए ।
विहान ८ बजेबाट भक्तपुर व्यांक्वेट हाकुफो हिटी भक्तपुरमा सुरु भएको उक्त कार्यक्रममा नयाँं कार्यसमितिको सचिवमा सन्जिव प्रजापति र कोषाध्यक्षमा सुमित्रा श्रेष्ठ चुनिएका छन् ।
पार्टीको भक्तपुर जिल्लाका तीन वटै नगरपालिकाहरु सूर्यविनायक, चाँंगुनारायण र मध्यपुर थिमिमा नगर समितिहरु गठन भइसकेका छन् । यस अघि जिल्ला समिति पनि गठन भइसकेको छ ।
