ललिता निवास प्रकरणमा आरोपितलाई थप एक साता थुनामा राखिने

काठमाडौँ, साउन १० । ललिता निवास प्रकरणमा संलग्न भएकाे आरोपमा पक्राउ परेकाहरू थप एक साता थुनामा रहनुपर्ने भएकाे छ । ललिता निवासकाे सरकारी जग्गा व्यक्तिकाे नाममा गरेकाे अभियाेगमा पक्राउ परेकाहरूलाई काठमाडौं जिल्ला अदालतले बुधबार थप ७ दिन हिरासतमा राख्न अनुमती दिएको छ ।

यस प्रकरणमा हालसम्म नेपाल प्रहरीको केन्द्रीय अनुसन्धान ब्युरो–सीआईबीले २२ जनालाई नियन्त्रणमा लिइसकेकाे छ ।आरोपीहरूमाथि सरकारी कीर्ते र संगठित अपराधमा अनुसन्धान भइरहेको छ ।