ह्यामिल्टन, साउन ९ । स्वीट्जरल्यान्ड र नर्वेले फिफा महिला विश्वकपमा बराबरी खेल्दै अंक बाँडेका छन् । स्वीट्जरल्यान्ड र नर्वेले गोलरहित बराबरी खेल्दै अंक बाँडेका हुन् ।
वाइकाटो स्टेडियम ह्यामिल्टन न्युजिल्यान्डमा मंगबार भएको प्रतिस्पर्धातमक खेलमा दुवै टोलीले गोल गर्ने अवसर सिर्जना गरेपनि त्यसलाई सदुपयोग गर्न नसक्दा खेल गोलरहित बराबरीमा सकिएको हो ।
स्वीट्जरल्यान्ड र नर्वेको बराबरीले यो समूह ‘ए’ बाट नकआउट चरणमा पुग्न सबै चारै टोलीको सम्भावना खुल्ला बनेको छ ।यस बराबरीसँगै समूह ‘ए’ मा शीर्षस्थानमा रहेको स्वीट्जरल्यान्डको २ खेलबाट ४ अंक पुगेको छ ।
स्वीट्जरल्यान्डले पहिलो खेलमा फिलिपिन्सलाई २–० ले पराजित गरेको थियो । समुहमा पहिलो अंक जोडेको नर्वे दुई खेलबाट १ अंक जोडेर पुछारमा छ । नर्वे पहिलो खेलमा न्युजिल्यान्डसँग १–० ले पराजित गरेको थियो ।
यसअघि आज नै समुह ‘ए’ को खेलमा पहिलोपटक विश्वकप खेलिरहेको फिलिपिन्सले सह आयोजक तथा घरेलु टोली न्युजिल्यान्डलाई १–० ले स्तब्ध पार्दै विश्वकपमा पहिलो जित दर्ता गरेको छ ।
Published Date: 25 July 2023
