म्याग्दी, साउन ९ । मुस्ताङ घुम्न आउने पर्यटकको सङ्ख्या ४५ प्रतिशतले बढेको छ ।
अन्नपूर्ण संरक्षण क्षेत्र आयोजना (एक्याप) को इलाका संरक्षण कार्यालय जोमसोमका अनुसार गत आर्थिक वर्ष २०७९/८० मा मुस्ताङमा पर्यटक आगमनमा ४५.७५ प्रतिशतले वृद्धि भएको छ ।
आर्थिक वर्ष २०२२/२३ मा ७१ हजार ७०७ विदेशी पर्यटक मुस्ताङ प्रवेश गरेको एसीएपी जोमसोमका इन्चार्ज अशोक सुवेदीले जानकारी दिए । ‘कोभिड–१९ अघि र पछि पर्यटकको आगमनमा उल्लेख्य वृद्धि भएको तथ्यांकले देखाएको छ’, उनले भने, ‘२०२२/२३ मा ३८ हजार ८९६ पर्यटक मुस्ताङ प्रवेश गरेका थिए ।
अघिल्लो आर्थिक वर्षको तुलनामा आर्थिक वर्ष २०२२/२३ मा ३२ हजार ८११ भन्दा बढी पर्यटकले मुस्ताङ भ्रमण गरेका थिए ।
आर्थिक वर्ष २०२२/२३ मा सार्क सदस्य राष्ट्रबाट ५९ हजार ३१० र तेस्रो मुलुकबाट ६ हजार ७४९ पर्यटक यहाँ आएको साझा तथ्यांक छ ।
त्यसैगरी आर्थिक वर्ष २०२२/२३ मा कुल तीन हजार ३८८ पर्यटकले अर्ध निषेधित क्षेत्र उपल्लो मुस्ताङको भ्रमण गरेका थिए ।
मुस्ताङमा अनुकूल मौसम, सहज बाटो, होटल/लजको सुविधा र प्राकृतिक प्रकोपका नाममात्र भएका कारण गत वर्ष पर्यटकको आगमन बढेको हो ।
Published Date: 24 July 2023
