मुगु, साउन ७ । मुगु जिल्लामा विगत दुई सातादेखि विद्युत् आपूर्ति अवरुद्ध हुँदा जनता अन्धकारमा बस्न बाध्य भएका छन् ।
गत असार २७ गते बाढीले गमगढ लघु जलविद्युत् आयोजनामा क्षति पुर्याएपछि जिल्लाको छायाँनाथ रारा नगरपालिकाका ५ हजार घरधुरी, सरकारी कार्यालय र अन्य संस्थाका २६ हजार सदस्य प्रभावित भएका छन् ।
मुगुको सदरमुकाम गमगढीलगायत आसपासका ८७ बस्ती अन्धकारमा बसिरहेका छन् । लामो समयदेखि विद्युत अवरुद्ध हुँदा स्थानीयवासी निकै मारमा परेका छन् ।
जसका कारण सरकारी कार्यालयका साथै बैंक तथा वित्तीय संस्थाको सेवा प्रवाहमा समस्या देखिएको राष्ट्रिय वाणिज्य बैंक मुगुका सहायक प्रबन्धक प्रकाश भामले बताए ।
आयोजनाको पावर हाउसको इन्टेकमा बाढीले ल्याएको माटो र माटो हटाउन हालसम्म गरिएका सबै प्रयास व्यर्थ गएको आयोजनाका प्राविधिक छिरिङ लामाले बताए ।
Published Date: 23 July 2023
