काठमाडौँ, साउन ७ । सुनचाँदीको भाउ लगातार दोश्रो दिन गिरावट भएको छ । साउन ७ गते, आइतबार सुन तोलामा ५०० रुपैयाँले सस्तिएको हो । यस दिन चाँदी प्रतितोला १५ रुपैयाँले घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार ३०० रुपैयाँमा र तेजाबी सुन प्रतितोला एक लाख ११ हजार ७५० रुपैयाँमा कारोबार भइरहेको छ ।
शुक्रबार पनि सुनको भाउ ओरालो लागेको थियो । त्यस दिन सुन तोलामा ८०० रुपैयाँले सस्तिएर प्रतितोला एक लाख १२ हजार ८०० रुपैयाँमा झरेको थियो ।
आइतबार चाँदीको पनि मूल्यमा गिरावट देखिएको छ । आज चाँदी तोलामा १५ रुपैयाँले घट्दा प्रतितोला एक हजार ४६५ रुपैयाँमा खरिदबिक्री हुँदैछ । अघिल्लो कारोबार दिन, चाँदी प्रतितोला १५ रुपैयाँले ओरालो लाग्दा एक हजार ४८० रुपैयाँमा किनबेच भएको थियो ।
Published Date: 23 July 2023
