काठमाडौं, असार १८ । मुस्ताङको लोमान्थाङ गाउँपालिकाले सोमबार सार्वजनिक बिदा दिएको छ ।
राजा जिग्मी सिंही पलवार विष्टका जेठा छोरा राजकुमार झिग्मी धोन्डुप फुञ्चोक पलवार विष्टको आज हुन लागेको विवाह समारोहलाई मध्यनजर गर्दै यो निर्णय भएको हो । यस पर्वको उपलक्ष्यमा गाउँपालिकाले मातहतका सबै कार्यालय र शैक्षिक संस्थालाई बिदा दिएको छ ।
लोमान्थाङ गाउँपालिकाले आइतबार एक विज्ञप्ति जारी गर्दै सार्वजनिक बिदा दिएको हो । राजकुमार झिग्मी धोन्डुप फुञ्चोक पलवार विष्टको विवाह समारोहमा लोमान्थाङ गाउँपालिका क्षेत्रमा विभिन्न कार्यक्रम हुने विज्ञप्तिमा उल्लेख छ । तसर्थ गाउँपालिका कार्यालय लगायत सम्बद्ध कार्यालय र शैक्षिक संस्थामा सार्वजनिक बिदा दिइएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
