काठमाडौं, असार १२ । त्रिभुवन अन्तर्राष्ट्रिय विमानस्थलले प्रत्येक यात्रुलाई बढीमा तीन जनाले मात्रै विदाई गर्ने र लिन आउन पाउने गरी नयाँ नियम लागू गरेको छ ।
आन्तरिक र अन्तर्राष्ट्रिय टर्मिनल भवन बाहिर ठूलो भीड जम्मा भएपछि विमानस्थल सुरक्षा समितिले यस्तो निर्णय गरेको हो । विमानस्थलमा सीमित ठाउँ र भीडले ट्राफिक व्यवस्थापनमा चुनौती खडा गरेको छ भने दुर्घटनाको जोखिम बढेको छ ।
बढ्दो भीडभाडले यात्रु सेवामा नकारात्मक असर परेको र यात्रु लिन र पुर्याउन (विदाई गर्न) आउने क्षेत्रमा दुर्घटनाको जोखिम बढेको समितिले जनाएको छ ।
विशेषगरी साँझको समयमा, विदेश उडानहरू निर्धारित हुँदा, अन्तर्राष्ट्रिय टर्मिनल भवन अगाडि आफन्त र शुभचिन्तकहरूको ठूलो जमघट हुन्छ।
यी समस्याहरूलाई सम्बोधन गर्न, विदाई गर्ने र यात्रु लिन आउने मानिसहरूको संख्या सीमित गर्न नयाँ नियम लागू गरिएको छ।
