विद्युत प्राधिकरणका तत्कालीन मेकानिकल इन्जिनियर विरुद्व एक करोड ४२ लाख ५२ हजार ५५० रुपैयाँको भ्रष्टाचार मुद्दा दायर

विद्युत प्राधिकरणका तत्कालीन मेकानिकल इन्जिनियर विरुद्व एक करोड ४२ लाख ५२ हजार ५५० रुपैयाँको भ्रष्टाचार मुद्दा दायर : Icon Khabar

काठमाडौं, असार ७ । नेपाल विद्युत प्राधिकरणका तत्कालीन मेकानिकल इन्जिनियर कृष्णप्रसाद यादवविरुद्व एक करोड ४२ लाख ५२ हजार ५५० रुपैयाँको भ्रष्टाचार मुद्दा दायर भएको छ।

अख्तियार दुरुपयोग अनुसन्धान आयोगका प्रवक्ता भोला दाहालले बिहीबार विज्ञिप्त जारी गर्दै यादवविरुद्ध विशेष अदालत काठमाडौंमा मुद्दा दायर भएको जानकारी दिएका हुन्।

२०४८ फागुन ९ देखि अवकाश पाएको मिति २०७९ जेठ ९ गतेसम्म सार्वजनिक सेवामा रहँदा आयभन्दा बढी एक करोड ४३ लाख ५२ हजार ५५० रुपैयाँ बराबरको रकमको स्रोत नखुलेको भन्दै अख्तियारले यादवविरुद्ध भ्रष्टाचार मुद्दा दायर गरेको विज्ञप्तिमा उल्लेख गरिएको छ।

आयोगको विज्ञप्तिमा पारिश्रमिक बचत, प्रोत्साहन भत्ता, प्राधिकरणबाट लिएको कर्जा आय, बैंकबाट लिएको कर्जा आय, सहकारीबाट लिएको कर्जा आय, शेयरबाट प्राप्त नगद लाभांश निजको समग्र आय एक करोड ७१ लाख ४६ हजार ४४ रुपियाँ देखिएको जनाइएको छ।यसैगरी बैंक मौज्दातमासमेत गरी तीन करोड १३ लाख ९८ हजार ५९४ रुपियाँ देखिएको विज्ञप्तिमा उल्लेख छ।

निजलाई भ्रष्टाचार निवारण ऐन बमोजिम स्रोत नखुलेको सम्पत्तिबाट बढेबढाई हाल कायम रहेको सम्पत्तिमध्येबाट बिगो र जरिवाना जफतको माग दाबीसहित बिहीबार विशेष अदालत, काठमाडौंमा आरोपपत्र दायर गरिएको हो।

Published Date: 22 June 2023
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
अनुशासन, आत्मनिर्भरता र सेवाभाव सिकाउँदै ककनीमा दोस्रो स्काउट फ्रेन्डसिप क्याम्प सम्पन्न