काठमाडौं, असार ७ । काठमाडौँ महानगरपालिकाका मेयर बलेनको विरुद्धमा सिनेमा हल सञ्चालकले दायर गरेको रिटमा उच्च अदालत पाटनका न्यायाधीश धीरबहादुर चन्दको एकल इजलासले सुनुवाइ गर्ने भएको छ ।
सङ्घीय सरकारले सेन्सर गरेर प्रदर्शनको अनुमति दिए पनि स्थानीय सरकारले हिन्दी चलचित्र ‘आदिपुरुष’ रोकेको भन्दै बुधबार सिनेमा हल सञ्चालकले उनीविरुद्ध मुद्दा दर्ता गरेका थिए ।
बलेनले ‘आदिपुरुष’ मा जानकी भारतकी छोरी हुन् भन्ने संवाद हटाउन तीन दिनको अल्टिमेटम दिएका थिए । बलेनले तोकिएको समयभित्र संवाद नहटाए ‘आदिपुरुष’ मात्र नभएर कुनै पनि हिन्दी चलचित्र महानगरमा चल्न नदिने घोषणा गरेका थिए ।
Published Date: 22 June 2023
