काठमाडौं, असार २ । ललितपुरको इमाडोलमा बस दुर्घटना हुँदा १९ जना घाइते भएका छन् ।
शनिबार बिहान लुबुबाट लगनखेलतर्फ आउँदै गरेको बस इमाडोलको बहुन्धरामा सडकमा पल्टिएको इलाका प्रहरी कार्यालय इमाडोलका प्रहरी निरीक्षक हरि डाँगीले जानकारी दिए ।
उनका अनुसार बसमा २४ जना सवार थिए । घाइतेहरुको किष्ट र बिएण्डबी अस्पतालमा उपचार भइरहेको छ । उनीहरु सबैको अवस्था सामान्य रहेको डाँगीले बताए ।
तीव्र गतिका कारण बस पल्टिएको हुन सक्ने प्रहरीले अनुमान गरेको छ ।
Published Date: 17 June 2023
