काठमाडौं, असार १ । नेपाल उद्योग वाणिज्य महासंघकी निवर्तमान अध्यक्ष भवानी राणा नेपालका लागि ट्युनिसियाको मानार्थ राजदूतमा नियुक्त भएकी छिन्। बिहीबार काठमाडौंको एक होटलमा आयोजित एक कार्यक्रममा राणाले नेपालका लागि ट्युनिसियाका राजदूत हायेत तालबी इपी बिलेलबाट नियुक्तिको पत्र प्राप्त गरेका हुन् ।
नियुक्ति पत्र पाएपछि राणाले दुई देशबीचको सम्बन्ध विस्तारमा भूमिका खेल्ने बताइन् । राणाले दुई देशबीचको व्यापार विस्तार गर्न सकिने बताए । ‘दुवै देशको सामाजिक र आर्थिक सुदृढीकरणसँगै पर्यटन प्रवद्र्धनमा सहजीकरण गर्छु,’ उनले भनिन् ।
ट्युनिसिया युरोपेली मुलुकसँग जोडिएकाले नेपाललाई युरोपतर्फ व्यापार विस्तार गर्न सहज हुने राणाले बताइन् । कार्यक्रममा नेपालका लागि ट्युनिसियाका राजदूत ईपी बिलेलले दुई देशबीच कृषि, पर्यटन, ऊर्जालगायत क्षेत्रमा लगानीको सम्भावना रहेको बताइन् ।
