काठमाडौं, जेठ ३२ । राष्ट्रिय सहकारी बैंक लिमिटेडले सहकारी ऐन, २०७४ तथा नियमावली २०७५ को प्रावधान अनुरूप आर्थिक वर्ष २०७८/०७९ को संरक्षित पूँजी फिर्ता कोषबाट सदस्यहरुले पाउने रकमको बाँडफाँट गरि सहकारी संघ/संस्थाहरुको खातामा रकम जम्मा गरेको छ ।
बिहिबार विज्ञप्ति जारी गर्दै बैंकको सदस्य सहकारी संघ सस्थाले जम्मा गरेको बचत रकमको लागी ४० प्रतिशत र कर्जामा तिरेको ब्याजको लागि ६० प्रतिसत भारको आधारमा आर्थिक वर्ष २०७८/०७९ मा संरक्षित पूँजी फिर्ता कोषमा छुट्टाईएको जम्मा रकम रु १८,५५,१२,००६।१५ (अक्षरुपी अठार करोड पचपन्न लाख बाह्र हजार छ रुपैयाँ पन्ध्र पैसा) बाँडफाँड गरिएको जनाएको छ ।
बचत र कर्जा कारोबार गर्ने १५, ४७४ सम्पूर्ण संघ / संस्थाहरुले आर्थिक वर्ष २०७८ / ०७९ को संरक्षित पूँजी फिर्ता कोषबाट लाभान्वित भएका छन् । बचत र कर्जामा उच्च कारोबार गरी योगदान गरेवापत सबैभन्दा बढी रकम फिर्ता पाउने सदस्यले बचत तर्फ रु ४२,०७,७२७।९० सम्म र कर्जा तर्फ रु. ११, ४८, ४९८ ८९ सम्म प्राप्त गर्न सफल भएको र रु.५०,०००/- भन्दा बढी संरक्षित पूँजी फिर्ता कोषबाट रकम प्राप्त गर्ने सहकारी संघ/संस्थाहरु ७३३ वटा रहेको विज्ञप्तिमा उल्लेख छ ।
