काठमाडौँ, जेठ २३ । मंगलबार नेप्से परिसूचक २५.६६ अंक बढेर १९२७.६५ विन्दुमा पुगेको छ।
नेप्सेसँगै आज कारोबार रकम सामान्य बढेको छ। आज २६९ स्टकको ३६ हजार ११८ पटकको कारोबारमा १ अर्ब ९८ करोड १० लाख रुपैयाँ बराबरको ५५ लाख ४१ हजार कित्ता शेयर खरिदबिक्री भएको छ।
कारोबार रकमका आधारमा आज सोल्टी होटल शीर्ष स्थानमा रहेको छ। सो कम्पनीको यस दिन ९ करोड ६८ लाख रुपैयाँ बराबरको शेयर खरिदबिक्री भएको छ। त्यसैगरी, शिवम् सिमेन्ट्सको ९ करोडभन्दा बढीको शेयर कारोबार भएको छ भने अपर तामाकोशीको साढे ८ करोड रुपैयाँ बराबरको शेयर किनबेच भएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
