काठमाडौं, जेठ १८ । सुनको मूल्यले आज फेरी नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ५ सय रुपैयाँले बढेर १ लाख १२ हजार ५०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख ११ हजार ९५० रुपैयाँमा कारोबार भैरहेको छ । यो हालसम्मकै उच्च मूल्य हो ।
बिहीबार चाँदीको मूल्य पनि तोलामा १५ रुपैयाँले बढेर १४ सय १० रुपैयाँ कायम भएको छ । बुधबार चाँदीको भाउ १३ सय ९५ रुपैयाँ कायम रहेको थियो ।
सोमबार सार्वजनिक भएको आगामी आर्थिक वर्ष २०८०/८१ को बजेट मार्फत यसअघि प्रति १० ग्रामको लागि ८ हजार ५०० रुपैयाँ भन्सार दर तिर्दै आएकोमा बढाएर १२ हजार ७५० रुपैयाँ पुर्याइएको थियो ।
यसले गर्दा सुनको भाउले दिनप्रतिदिन नयाँ रेकर्ड कायम गरेको हो ।यसैगरी, अन्तर्राष्ट्रिय बजारमा पनि मूल्य बढेकाले त्यसको सीधा प्रभाव नेपाली बजारमा पनि परेको हो ।
Published Date: 01 June 2023
