काठमाडौं, जेठ १८ । स्पेनिस क्लब सेभिया कीर्तिमानी सातौंपटक यो सिजनको युरोपा लिग च्याम्पियन बनेको छ । बुधबार राति हंगेरीको बुडापेस्टमा भएको फाइनलमा निर्धारित र अतिरिक्त समयमको खेल बराबरीमा सकिएपछि पेनाल्टी सुटआउट पुगेको खेलमा सेभियाले रोमालाई ४-१ ले हरायो ।
सेभिया सातौं पटक च्याम्पियन बनेको हो । युरोपमा सेभिया नै सर्वाधिक सफल क्लब बनेको छ । सेभिया सातपटक फाइनल पुग्दा सबै सात संस्करणमा नै च्याम्पियन बन्न सफल भएको छ ।
यसअघि सेभिया २००६, ०७, २०१४, १५, १६ र २०२० मा च्याम्पियन बनेको थियो । सेभियापछि सर्वाधिक तीनपल्ट इन्टर मिलान, लिभरपुल, युभेन्ट्स र एट्लेटिको मड्रिडले उपाधि जितेका छन् ।
रोमा दुईपटक फाइनल पुगेपनि उपाधि भने जित्न सकेन । यसअघि रोमाले सन् १९९१ मा फाइनल खेलेको थियो । त्यसमा इन्टर मिलान च्याम्पियन बनेको थियो ।
Published Date: 01 June 2023
