काठमाडौँ, पुष १९। राष्ट्रिय सहकारी बैंकले सदस्य सहकारी संघ–संस्थाहरुको खातामा १५ प्रतिशत लाभांस रकम जम्मा गरेको छ। बैंकले आज एक विज्ञप्ति जारि गर्दै आर्थिक वर्ष २०७८/०७९ को लाभांश रकम सम्पूर्ण १५,४७४ सदस्य सहकारी संघ–संस्थाहरुको बचत खातामा जम्मा गरिएको कुरा जानकारी दिएको हो।
बैंकले गत आव ०७८/०७९ मा रु ४३ करोड ४५ लाख ५७ हजार ७४८ रुपैया लाभांश वितरण गरेको छ, सहकारी बैंकले विगत ५ वर्ष देखि लगातार १५ प्रतिशत लाभांश प्रदान गर्दै आएको छ । बैंकले वितरण गरेको यो लाभांशमा संरक्षित पूंजी फिर्ता कोषबाट प्राप्त गर्ने रकम समाबेश नगरीएको बैंकले जनाएको छ ।
बैंकले आगामी दिनहरुमा समेत सहकारी क्षेत्रको आफ्नै बैंकसँग कारोबार गर्न र भएको कारोबारमा समेत वृद्धि गरी थप लाभान्वित हुन सम्पूर्ण सहकारी संघ–संस्थाहरुमा अनुरोध गरेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
