कोलम्बो, जेठ १४ । (सिन्ह्वा) श्रीलंकाले आगामी महिना सवारी साधनका लागि इन्धनको कोटा बढाउने भएको छ । श्रीलंकाका ऊर्जामन्त्री कञ्चना विजेसेकेराले आगामी महिना सवारी साधनका लागि इन्धनको कोटा बढाउने निर्णय गरेको बताएका हुन् ।
इन्धनको मूल्य वृद्धि हुँदा कोटा बढाउने निर्णय गर्नुपरेको उनले बताए । राष्ट्रिय इन्धन पास ‘क्यूआर’ प्रणालीमा हाल अनुमति दिइएको इन्धनको कोटा अर्को महिना बढाइने उनले ट्वीटरमा उल्लेख गरेका छन् ।
सिलोन पेट्रोलियम कर्पोरेसनका पदाधिकारीसँग बसेको बैठकले उक्त निर्णय गरेको उनले उल्लेख गरेका छन् । विदेशी मौज्दातको अभावका कारण पर्याप्त मात्रामा इन्धन खरिद गर्न कठिनाइ भएपछि श्रीलंकाले गत वर्ष इन्धन कोटा लागू गरेको थियो ।