काठमाडौँ, जेठ १४ । पशुपति शर्माको सुपरहिट गीत ‘आफ्नो आफ्नो दुःख’को फिमेल भर्सन सार्वजनिक भएको छ । गायिका समिक्षा अधिकारीको स्वरमा आफ्नो आफ्नो दुःखको फिमेल भर्सन शुक्रबार सार्वजनिक गरिएको हो ।
गीतमा समिक्षाको स्वर सुमधुर सुनिएको छ । गीतको भिडियोमा समिक्षा स्वयम् फिचर्ड छिन् । गीतको भावसँग उनको पनि भाव मिसिएको छ । गीतको शब्द तथा संगीत पशुपति शर्माकै हो । दुर्गा पौडेलको निर्देशन र छायाँकनमा बनेको भिडियोको सम्पादन प्रकाश धमलाले गरेका हुन् ।
भिडियो सार्वजनिक भए लगत्तै आफ्नो आफ्नो दुःखको फिमेल भर्सनको चर्चा सुरु भएको छ । भिडियो हेर्ने र गीत सुन्नेले सकारात्मक प्रतिक्रिया दिइरहेका छन् ।
