काठमाडौं, जेठ ८ । संघीय संसदको संयुक्त बैठकमा व्यवसाय सञ्चालन नियमावली, २०७५ संशोधन समितिको पहिलो बैठक सोमबार संसद भवन नयाँ बानेश्वरमा बसेको छ ।
प्रतिनिधिसभाका सभामुख देवराज घिमिरे र राष्ट्रियसभाका अध्यक्ष गणेशप्रसाद तिमिल्सिनाको उपस्थितिमा संशोधन समितिको पहिलो बैठक बसेको थियो ।
बैठकलाई सम्बोधन गर्दै सभामुख घिमिरेले नियमावलीमा यथाशीघ्र संशोधन गर्नुपर्ने तथ्यलाई बुझेर समितिले आफ्नो कामलाई द्रुत गतिमा अघि बढाउने विश्वास व्यक्त गरे ।
राष्ट्रियसभाका अध्यक्ष तिमिल्सिनाले नियमावलीलाई लामो समयसम्म परिमार्जन गर्न नपर्ने गरी सर्वसम्मतिले पारित गर्न समितिलाई आग्रह गर्नुभयो ।
केही दिनअघि बसेको राष्ट्रियसभाको बैठकले समिति गठनसम्बन्धी प्रस्ताव पारित गरेको थियो । उक्त प्रस्तावलाई प्रतिनिधिसभाले अनुमोदन गरेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
