काठमाडौं, जेठ ७ । सहिद स्मारक ‘ए’ डिभिजन लिग फुटबलमा जावलाखेल युथ क्लब र संकटा क्लबको खेल बराबरीमा टुंगिएको छ ।
त्रिपुरेश्वरस्थित दशरथ रंगशालामा आइतबार भएको खेलमा जावलाखेल र संकटाले २-२ गोलको बराबरी खेलेका हुन् ।
खेलको ४३ औं मिनेटमा आयुष घलानले र ७३ औं मिनेटमा चन्द्रकुमार दासले गोल गर्दै संकटालाई अग्रता दिलाएका थिए । सुरुआती दुई गोलको अग्रता बनाएको संकटाले त्यसलाई जोगाउन सकेन।
खेलको ७७ औं मिनेटमा एन्कोटो मोसाबीले गोल गर्दै जावलाखेललाई २-१ को स्थितिमा ल्याए । त्यसपछि खेलको ८६ औं मिनेटमा समिराज थोकरले गोल गर्दै जावलाखेललाई २-२ गोलको बराबरीमा ल्याए ।
यस बराबरीसँगै जावलाखेलले २० खेलमा ३३ अंक जोडेको छ भने संकटाले २० खेलमा २३ अंक जोडेको छ ।
