काठमाडौं, जेठ ७ । सरकारले सवारी चालक अनुमतिपत्र (लाइसेन्स) लिनको लागि विद्यमान झन्झटिलो र लामो प्रक्रियाको अन्त्य गर्दै सेवाग्राहीलाई सवारी चालक अनुमतिपत्र प्राप्त गर्ने प्रक्रिया शुरु भएको एक साताभित्र लाइसेन्स उपलब्ध गराउने तयारी गरेको छ ।
शनिबार राजधानीमा आयोजित एक कार्यक्रमलाई सम्बोधन गर्दै भौतिक पूर्वाधार तथा यातायातमन्त्री प्रकाश ज्वालाले लाइसेन्स पाउने सम्पूर्ण प्रणालीलाई सरल र समयसापेक्ष बनाई परिमार्जन गर्न लागिएको बताए । उनले ड्राइभिङ लाइसेन्स छिट्टै छाप्नका लागि थप प्रिन्टिङ मेसिन खरिद गरिने र नयाँ लाइसेन्स लिन वर्षौंदेखि पर्खिने चलनलाई अन्त्य गर्ने बताए ।
मन्त्री ज्वालाले छिट्टै सेवा प्रवाहका लागि केही कानुन परिमार्जन गरी सरलीकरण गर्ने पनि प्रतिवद्धता जनाइन् । उनले भने, ‘अहिले प्रत्येक पाँच वर्षमा सवारी चालक अनुमतिपत्र नवीकरण हुने गरेको छ ।
अर्थतन्त्रमा सङ्कटका कारण पूर्वाधार क्षेत्रमा लगानी बढाउन नसके पनि मन्त्री ज्वालाले सरकारले सडक निर्माणका लागि बजेट बढाउने काम गरिरहेको बताए । सडक पूर्वाधारमा लगानी बढाएर रोजगारीका अवसर सिर्जना गरेर समृद्धि हासिल गर्न सकिने उनले बताए ।
मन्त्री ज्वालाले सबै निकायबीचको सहकार्य र समन्वयबाट सडक दुर्घटना न्यूनीकरण गर्नुपर्नेमा जोड दिए।