काठमाडौं, वैशाख २६ । प्रमुख तीन दलका शीर्ष नेताबीच प्रधानमन्त्रीको सरकारी निवास बालुवाटारमा भेटवार्ता भएको छ ।
प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीबीच अहिले भेटवार्ता भइरहेको छ । प्रधानमन्त्री दाहालको आह्वानमा शीर्ष नेताहरुबीच भेटवार्ता भएको हो ।
नेताहरुबीचको भेटवार्ताको विषय भने सार्वजनिक गरिएको छैन । नक्कली भुटानी शरणार्थी घोटाला प्रकरणमा राजनीतिक दल र तिनका शीर्ष नेताको नाम आउन थालेपछि राजनीतिक वृत्तमा तरंग सिर्जना भएको छ । यसैबीच, पार्टी नेताको अचानक भएको भेट सार्थक देखिएको छ ।
