काठमाडौं, बैशाख २३ । अर्जेन्टिनी फरवार्ड तथा कप्तान लियोनेल मेस्सीले क्लबको अनुमतिविनै साउदी अरबको भ्रमण गर्नु गल्ती रहेको भन्दै माफी मागेका छन् ।
मेस्सीले पेरिस सेन्ट जर्मेन (पिएसजी) को अनुमतिविनै साउदी भ्रमण गरेको भन्दै दुई साताको निलम्वन गरिसकेको छ । क्लबले दुई साताको निलम्वन गरेपछि मेस्सीले क्लब र क्लबका सहयात्रीसँग क्लबको अनुमतिविनै साउदी भ्रमण गर्नु गल्ती रहेको भन्दै माफी मागेको बताइएको छ ।
साउदी भ्रमण लगत्तै गत साताको आइतबार लोरिएन्टसँग ३–१ ले पराजित भएको खेलमा मेस्सीले पुरै समय खेलेपनि आशातित प्रदर्शन गर्न सकेको थिएन ।
मेस्सीले इन्स्टाग्राममा पोस्ट गरेको भिडियोमा भनेका छन्, ‘मैले गरेको कामका लागि म माफी चाहन्छु र क्लबले के निर्णय गर्छ त्यो हेर्न म पर्खिरहेको छु । मैले इमान्दारीपूर्वक सोचे कि हामीले खेल पछिको दिन बिदा लिनेछौं जुन अघिल्लो हप्ताहरूमा भएको थियो । मैले साउदी अरेबियाको यो यात्रा पहिले रद्ध गरिसकेको थिए । तर, यसपटक सकिन ।’
पिएसजीमा मेस्सीको सम्झौता यो सिजनको अन्त्यसँगै सकिदैछ । सम्झौता र सिजनको अन्त्यसँगै मेस्सी पीएसजी छाड्ने तयारी छ । क्लबलाई जरिवानासमेत तिरेका ३५ वर्षीया मेस्सी साउदी अरेबियाका लागि पर्यटन राजदूतको भूमिकामा छन् ।
