काठमाडौं, वैशाख १९ । मुलुकमा अहिले पश्चिमी वायुसँगै स्थानीय वायुको प्रभाव रहेको छ । आज दिउँसो देशका पहाडी भूभागका केही स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
त्यस्तै तराईका थोरै स्थानहरुमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ । आज कोशी, मधेस र वाग्मती प्रदेशमा हल्कादेखि मध्यम वर्षा हुनेछ। बाँकी प्रदेशको मौसममा आंशिकदेखि सामान्य बदली रहनेछ ।
त्यस्तै आज राति कोशी प्रदेश, वाग्मती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहनेछ ।
महाशाखाका अनुसार वाग्मती, गण्डकी, कर्णाली र सुदूरपश्चिम प्रदेशका पहाडी भू–भागका थोरै स्थानहरुमा र बाँकी भू–भागका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।
हाल, देशभर आंशिकदेखि सामान्य परिवर्तन भइरहेको छ। सुदूरपश्चिम प्रदेशका थोरै स्थान र पहाडी भेगका थोरै स्थानमा हल्का वर्षा भइरहेको छ ।
Published Date: 02 May 2023
