काठमाडौँ, पुष १७। उरुग्वेका स्ट्राइकर लुइस सुआरेज, फ्रि ट्रान्सफरमा रुपमा ब्राजिली क्लब ग्रेमियोमा आबद्ध भएका छन् । क्लबले फ्रि ट्रान्सफरमा रुपमा सुआरेजलाई २ सिजनको लागि सम्झौता भएको छ ।
यसै बिच सुआरेजले ट्वीटरमा थपे – “ग्रेमियोमा यो सुन्दर चुनौतीको लागि तयारी गर्दै, म त्यहाँ आउन र यसको आनन्द लिन पाउँदा उत्साहित छु ।”
३५ वर्षीय सुआरेज आफ्नो फेवरेट नम्बर ९ नै लगाउने भएका छन् । यस अघि भने सुआरेज डच क्लब ग्रोनिन्गन र आयाक्स, इंग्लिस कल्ब लिभरपुल, स्पेनिस क्लब बार्सिलोना र एट्लेटिको मड्रिड र हालै आफ्नो पुरानो उरुग्वेन क्लब नेसियोनलबाट खेलिसकेको थियो ।
यस बिच सुआरेजले आयाक्सबाट ८१ गोल, लिभरपुलबाट ६९ गोल, बार्सिलोनाबाट १४७ गोल र एट्लेटिको मड्रिडबाट ३२ गोल गर्न सफल भएका थिए । सन् २००२ देखि आफ्नो देशको लागि खेलेको १३७ खेलमा उनले ६८ गोल गर्न सफल भएका छन् ।
साउदी अरेबिया र एम. एल. एस. बाट आएको सबै प्रस्ताव सुआरेजले अस्वीकार गरेका थिए ।
