काभ्रेपलाञ्चोक, वैशाख १० । यातायात व्यवसायीले अरनिको, बिपीमा मालबाहक ढुवानी रोकेका छन् । जिल्ला प्रशासन कार्यालय काभ्रेपलाञ्चोकले बोकेको बोझ अनिवार्य तौलाउन दिएको निर्देशनको विरोध गर्दै हेलम्बु राजमार्गले आन्दोलन गरेको हो ।
जिल्लामा भार तौल केन्द्र सञ्चालन गर्न गृह मन्त्रालयले सर्कुलर जारी गरेपछि गत मंगलबार यातायात व्यवसायी र सरोकारवालाबीच भएको बैठकमा जिल्ला प्रशासन कार्यालय काभ्रेपलाञ्चोकले यस्तो निर्देशन दिएको हो ।
पाँचखाल नगरपालिकाको केराघारी, पनौतीको नैकिन्टार र नमोबुद्धको भकुण्डेमा भार तौल केन्द्र स्थापना गरिएको छ ।
निर्देशिका अनुसार ६ पाङ्ग्रे मालवाहक सवारी साधनले अनिवार्य लोड बोक्नुपर्छ । भार तौल केन्द्रमा तौल गरेबापत प्रति गाडी १५० रुपैयाँ शुल्क लिइन्छ । विगत दुई दिनदेखि ढुवानी ठप्प छ ।
आन्दोलनपछि सबै भार तौल केन्द्रमा ठूलो संख्यामा प्रहरी परिचालन गरिएको प्रहरी उपरीक्षक भाग्यपुरुष ढकालले जानकारी दिए ।
