चितवन, वैशाख १० । आज भईरहेको उप निर्वाचनको कारण मनकामना केबलकारको सेवा बन्द रहेको छ।
चितवन क्षेत्र नं २ मा भईरहेको प्रतिनिधिसभा सदस्य उपनिर्वाचनमा जिल्लाको कुरिनटारबाट गोरखा जिल्लाको प्रशिद्ध शक्तिपिठ मनकामना जाने केबलकार आज सञ्चालन भएमा भीड बढ्ने र सुरक्षा संवेदनशील बढ्ने हुँदा आज मनकामना केबलकार बन्द गरेको मनकामना दर्शन प्रालिले जनाएको छ ।
उप निर्वाचनलाई लक्षित गरी केबलकार सेवा बन्द गर्न जिल्ला प्रशासन कार्यालय चितवनले गरेको आग्रह अनुसार सेवा बन्द गरेको हो।
मनकामना केबलकारको बटम स्टेसन चितवनको कुरिनटार क्षेत्र नं २ भित्र पर्छ । भोलि वैशाख ११ गते देखि केबलकार पुनस् सञ्चालनमा आउने प्रालिले जनाएको छ ।
