काठमाडौं, वैशाख १० । नेपाल राष्ट्र बैंकले निर्धारित निर्देशिका उल्लंघन गरेको अभियोगमा नौ बैंक र सम्बन्धित प्रमुख कार्यकारी अधिकृतलाई १५ करोड ३७ लाख रुपैयाँ जरिवाना गरेको छ ।
राष्ट्र बैंकका अनुसार कर्जा उपलब्ध गराउन नसकेका वित्तीय संस्था र तिनका प्रमुख कार्यकारी अधिकृतलाई कारबाही गरेको हो । यी वित्तीय संस्थाहरूले कर्जा प्रवाह गर्दा चर्को प्रिमियम दर असुल्ने, पुँजी पर्याप्तता अनुपातको नियमअनुसार उचित रकम नराखेको र एउटै समूहलाई बढी कर्जा उपलब्ध गराएको पाइएको छ ।
नेपाल क्रेडिट एण्ड कमर्स बैंकका तत्कालीन प्रमुख कार्यकारी अधिकृत अमृतचरण श्रेष्ठलाई राष्ट्र बैंकले ५ लाख रुपैयाँ जरिवाना गरेको हो । त्यस्तै, सम्पत्ति शुद्धीकरण सम्बन्धी कानुन उल्लंघन गरेको अभियोगमा राष्ट्रिय वाणिज्य बैंकलाई एक अर्ब रुपैयाँ जरिवाना गरिएको छ ।
तत्कालीन सेञ्चुरी कमर्सियल बैंकलाई गत वर्ष साउन र अगस्टमा कर्जा-निक्षेप अनुपात नपुगेको भन्दै कारबाही गरिएको थियो ।
त्यसैगरी, नेपाल बैंक लिमिटेड, ग्लोबल आइएमई बैंक, कृषि विकास बैंक र हिमालयन बैंक लिमिटेडलाई नियामक निकायबाट कारबाही भएको छ ।
हेर्नुस् कुन बैंकलाई कस्तो कारबाही विस्तृतमा
