बेइजिङ्ग, पुष १७। चीनका राष्ट्राध्यक्ष सी चिनफिङ र रूसका राष्ट्रपति भ्लादिमिर पुटिनले नयाँ वर्षको शुभकामना सन्देश आदान-प्रदान गरेका छन्।
चीन सरकार र चिनियाँ जनताको तर्फबाट राष्ट्राध्यक्ष सी चिनफिङले राष्ट्रपति पुटिन र रूसी जनतालाई हार्दिक बधाई तथा शुभकामना व्यक्त गरेका हुन्। उनले सन् २०२२ असाधारण वर्ष नभएको भन्नुका साथै अन्तर्राष्ट्रिय परिस्थितिको तीव्र परिवर्तन र विश्वव्यापी महामारीको निरन्तर फैलावटको वातावरणमा चीन-रूस सम्बन्धको सधैं स्वस्थ र स्थिर विकास हुँदैआएको कुरा औंल्याए।
राष्ट्रपति पुटिनले सी चिनफिङलाई नयाँ वर्षको हार्दिक शुभकामना दिँदै मैत्रीपूर्ण चिनियाँ जनताको सुख र समृद्धिको कामना गरेका छन्। पुटिनले विगत वर्ष रूस–चीनबीचको बृहत्तर रणनीतिक साझेदारी सम्बन्ध सुदृढ हुँदैआएको र सो सम्बन्धको विकास बलियो देखाउनुका साथै बाहिरी चुनौतीको सामना गर्नसक्ने कुरा पनि औंल्याए। -(रासस – सिन्हवा)
Published Date: 01 January 2023
