काठमाडौं, वैशाख ३ । अमेरिकी डलरको तुलनामा युरोको भाउ एक वर्षयताकै उच्च विन्दुमा पुगेको छ ।
हालैका साताहरुमा युरोजोनको आर्थिक परिदृश्य सकारात्मक देखिएको छ भने अमेरिकी फेडरल रिजर्भले आफ्नो मौद्रिक कडाई लगभग पूरा गरिसकेको विश्लेषण हुन थालेपछि डलरको वृद्धि कम हुन थालेको छ । जसका कारण युरोको भाउ डलरको तुलनामा १२ महिनायताकै उच्च बनेको हो ।
युरो बिहीबार ०.६३% ले बढेर १.१०६७ डलर पुगेको थियो । जुन अप्रिल २०२२ को यताकै उच्च हो । यता, युरोपेली केन्द्रीय बैंकले मौद्रिक कडाईहरु थप गर्दै ब्याजदर बढाउने क्रमलाई जारी राख्ने अपेक्षाले पनि युरोको भाउ उचालिएको विश्लेषण गरिएको छ ।
युरोपको आर्थिक वातावरण पनि सकारात्मक देखिएका कारण मुद्रा पनि बलियो बनेको हो । यता, अमेरिकामा गत महिना देखिएको बैंकिङ संकटका कारण पनि डलर सूचक कमजोर बनेको छ ।
Published Date: 16 April 2023
