काठमाडौं, वैशाख ३ । नेपाल उद्योग वाणिज्य महासंघका नवनिर्वाचित अध्यक्ष चन्द्रप्रसाद ढकालले आजदेखि काठमाडौंको टेकुस्थित महासंघको केन्द्रीय कार्यालयमा पदभार ग्रहण गरेका छन् । अध्यक्ष ढकालले पदभार ग्रहण गरेलगत्तै साना व्यवसायीको हितमा काम गर्ने प्रतिबद्धता जनाएका छन्।
महांसघको चैत्र २८ र २९ गते बसेको ५७ औं वार्षिक साधारणसभाले ढकाललाई अध्यक्षमा निर्वाचित गरेको हो । त्यस्तै वरिष्ठ उपाध्यक्षमा अन्जन श्रेष्ठ, उपाध्यक्षमा सुरकृष्ण वैद्य, एसोसियट उपाध्यक्षमा ज्योत्सना सुब्बा श्रेष्ठ र कमोडिटी उपाध्यक्षमा हेमराज ढकाल निर्वाचित भएका छन् ।
