काठमाडौँ, चैत २९ । बुधबार नेप्से परिसूचक ४.९३ प्रतिशत अर्थात ९२.२२ अंक बढेर १९६३.५५ विन्दुमा पुगेको छ।
आज नेप्सेसँगै कारोबार रकममा पनि बढेको छ। आज २६७ स्टकको ४७ हजार २८५ पटकको कारोबारमा १ अर्ब ९७ करोड ६० लाख रुपैयाँ बराबरको ६१ लाख ७ हजार कित्ता शेयर खरिदबिक्री भएको छ।
आज १३ वटै उपसमूहको परिसूचक बढेको छ। जसमध्ये वित्त उपसमूहको परिसूचक करिब ७ प्रशित बढेको छ। त्यसैगरी, लघुवित्त, बैंकिङ्ग र विकास बैंक उपसमूहको परिसूचक ५ प्रतिशतभन्दा बढी बढेको छ। योसँगै जलविद्युत, लगानी, जीवन बीमा, उत्पादन तथा प्रशोधन र निर्जीवन बीमा उपसमूहको परिसूचक ४ प्रतिशतभन्दा बढी बढेको छ।
Published Date: 12 April 2023
