काठमाडौँ, चैत २९ । नेपाल उद्योग बाणिज्य महासंघको जारी चुनावमा साढे दुई बजेसम्म आठ सय बढी मत खसेको छ । काठमाडौको प्रज्ञा प्रतिष्ठानमा भइरहेको निर्वाचनमा बस्तुगत तर्फ १२३ मतदाता मध्य १०२ मत खसिसकेको महासंघ निर्वाचन अधिकृत लिलामणि पौडेलले बताए ।
त्यसैगरी जिल्ला नगरमा ११७ मतदाता मध्य ६९ मत खसिसकेको उनको भनाई छ । त्यस्तै एसोशिएटतर्फ १७४८ मतदाता रहेकोमा हालसम्म एसोसियट तर्फ ६०० माथि मत खसिसकेको छ ।
महासंघ निर्वाचन अधिकृत लिलामणि पौडेलले भोट धमाधम खसिरहेको र साँझ ६ बजेसम्म सबै मत खस्ने अनुमान गरिएको बताए । यस्तै द्वि राष्ट्रियतर्फ ५ जना मतदाता छन् । जिल्ला नगर र वस्तुगततर्फ एक र एशोसिएट तर्फ ३ वटा बुथ कायम गरिएको छ । निर्वाचनबाट एक वरिष्ठ उपाध्यक्ष, तीन उपाध्यक्ष र ५९ जना कार्यसमिति सदस्य चुनिने बताइएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
