काठमाण्डौ,पुष १६ । राष्ट्रिय सहकारी बैंक लिमिटेडको एकाई स्तरिय १९ औं वार्षिक साधारण सभा शनिवार सम्पन्न भएको छ ।
साधारण सभामा बैंकको आ.व २०७८/०७९ वार्षिक प्रगति प्रतिवेदन तथा आ.व २०७९/०८० को प्रस्तावित बजेट बैंकका अध्यक्ष के.बी उप्रेतिले प्रस्तुत गरेका थिए।
लेखा सुपरिवेक्षण समितिको प्रतिवेदन लेखा संयोजक लक्ष्मी प्रसाद उप्रेतीले प्रस्तुत गरेका थिए । बागमती प्रदेशमा प्रस्तुत प्रतिवेदनहरु भर्चुअल माध्यबाट अन्य प्रदेशको साधारण सभामा हेर्ने व्यवस्था मिलाइएको थियो ।
१९ औं वार्षिक साधारण सभा प्रदेश एकको विराटनगर मोरङ, मधेस प्रदेशको जनकपुर, बागमती प्रदेशको काठमाण्डौ, गण्डकी प्रदेशको पोखरा, लुम्बिनी प्रदेशको रुपन्देही, कर्णाली प्रदेशको सुर्खेत र सुदुरपश्चिम प्रदेशको धनगढीमा गरि जम्मा सात एकाईमा भएको थियो ।
साधारण सभामा बैंकको विभिन्न विधामा पुरस्कारहरु घोषणा भएको थियो । प्रदेश स्तरीय साधारण सभाबाट पुष १८ गने हुने केन्द्रिय सभाको निर्णय प्रमाणित गर्न सबै प्रदेशबाट प्रतिनिधिहरु छनोट भएका थिए।
