आफ्नो संसदको अडियो मुद्दामा रास्वपाले सदनमा मागे माफी

आफ्नो संसदको अडियो मुद्दामा रास्वपाले सदनमा मागे माफी : Icon Khabar

काठमाडौं, चैत २७ । राष्ट्रिय स्वतन्त्र पार्टीले चिकित्सा व्यवसायी दुर्गा प्रसाईंसँग पार्टीका सांसद ढाकाकुमार श्रेष्ठले दुई करोड रुपैयाँ माग गरेको अडियो टेप सार्वजनिक भएकोमा माफी मागेको छ ।

प्रतिनिधिसभाको सोमबारको बैठकमा राप्रपा संसदीय दलका प्रमुख सचेतक सन्तोष परियारले प्रतिनिधिसभा सदस्यको मर्यादामा पर्न गएको समस्याप्रति क्षमायाचना गरेका छन् ।

उनले भने, ‘हाम्रा प्रतिनिधि सभा सदस्य मार्फत तपाईको सम्मानमा पर्न गएको समस्याप्रति क्षमायाचना गर्न चाहन्छौं । “यो घटनाबाट हामी विचलित हुने छैनौं। यस्ता घटनाबाट राष्ट्रिय दलहरू टाढै रहनुपर्छ ।”

प्रतिनिधिसभा सदस्य श्रेष्ठले स्वास्थ्यमन्त्री बन्न रवि लामिछाने नजिकका व्यक्तिलाई दुई करोड रुपैयाँ दिनुपर्ने भन्दै व्यापारी प्रसाईलाई सहयोग गर्न आग्रह गरेको अडियोटेप सार्वजनिक भएको छ ।

अडियो सार्वजनिक भएपछि प्रमुख सचेतक परियारले रास्वपाले श्रेष्ठलाई जिम्मेवारीबाट हटाएर ७२ घण्टाभित्र स्पष्टीकरण दिन निर्देशन दिएको र पार्टीको अनुशासन समितिले छानबिन गरिरहेको बताए ।

तर, यस्तो घटना पहिलो पटक नभएको उनले बताए ।

‘नेपालको राजनीतिमा यो पहिलो घटना होइन। यस्ता घटना विगतमा पनि भएका छन् । ती सबैको सत्यतथ्य छानबिन गर्न सकियो भने लोकतन्त्रप्रतिको हाम्रो प्रतिबद्धता झन् बढ्छ भन्ने लाग्छ,’ प्रमुख सचेतक परियारले भने ।

Published Date: 10 April 2023
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
भक्तपुरमा लागूऔषधसहित दुई जना पक्राउ