काठमाडौं, चैत २७ । संस्कृति, पर्यटन तथा नागरिक उड्डयन मन्त्रालयले सबै पर्यटन सद्भावना दूतको नियुक्ति खारेज गर्ने निर्णय गरेको छ । त्यस्ता सबै नियुक्ति पर्यटन मन्त्रीस्तरीय निर्णयबाट खारेज गरिएको संस्कृति, पर्यटन तथा नागरिक उड्डयन मन्त्री सुदन किरातीले जानकारी दिए ।
पर्यटन प्रवद्र्धन सम्बन्धी कार्यविधि, २०७९ स्वीकृत गरी सबै वर्तमान सद्भावना दूतलाई बर्खास्त गरिएको मन्त्री किरातीले जानकारी दिए । तर, नयाँ कार्यविधिले प्रक्रिया पूरा गरेर पुनः नियुक्तिको बाटो खुला गरेको छ ।
यसअघि कार्यविधि लागू हुनुअघि पर्यटन सद्भावना दूत नियुक्त भइसकेको थियो। मन्त्रालयले ‘सद्भावना दूत’ शब्दलाई ‘पर्यटन प्रवद्र्धक’ले प्रतिस्थापन गरेको छ ।
त्यसैगरी, नेपालगञ्ज विमानस्थलबाट भारतका विभिन्न सहरमा उडान गर्न पहल गर्न परराष्ट्र मन्त्रालयलाई पत्राचार गर्ने निर्णय पनि मन्त्रालयले गरेको छ ।
