काठमाडौं, चैत २६ । मेयर बालेन्द्र शाहको निर्देशनपछि सिंहदरबारको फोहोर संकलन कार्य रोकिएको छ । काठमाडौं महानगरपालिकाले आइतबारदेखि सिंहदरबारबाट फोहोर सङ्कलन बन्द गरेको छ ।
महानगरको काममा सिंहदरबारले असहयोग गरेको भन्दै मेयर शाहले शुक्रबार कामपाले फोहोर नउठाउने सामाजिक सञ्जालमार्फत घोषणा गरेका थिए । सो घोषणालाई आधार मानेर कामपाले सिंहदरबारको फोहोर उठाएको छैन ।
‘हाम्रो वडामा सिंहदरबारबाहेक सबै ठाउँबाट फोहोर उठ्ने गरेको छ,’ वडा नम्बर ११ का वडा अध्यक्ष हिरालाल तण्डुकारले भने ।
फोहोर व्यवस्थापन संघका महासचिव मित्रप्रसाद घिमिरेले मेयर शाहले बोलाएर सिंहदरबार परिसरको फोहोर नउठाउन निर्देशन दिएपछि फोहोर उठाउन नसकेको बताए । ‘हामी सिंहदरबारबाट फोहोर उठाएर बञ्चरेडाँडा लैजान गइरहेका थियौँ, तर मेयरले बोलाएर त्यसो नगर्नू भनेपछि रोकेका थियौँ ।
फोहोर सङ्कलन गर्ने जिम्मा लिएको परिवर्तन सेवा प्रालिका सञ्चालक समेत रहेका घिमिरेका अनुसार सिंहदरबारबाट दैनिक पाँच टन कुहिने र कुहिन नहुने गरी पाँच टन फोहोर उठ्ने गरेको छ । घिमिरेले सिंहदरबारबाट संकलन हुने फोहोर बञ्चरेडाँडास्थित ल्यान्डफिल साइटमा लैजाने गरेको बताए ।
सहरी विकास मन्त्रालयसँगको ठेक्कामा परिवर्तन सेवा प्रालिले सिंहदरबारबाट फोहोर संकलन गर्दै आएको थियो । सहरी विकास मन्त्रालयका सचिव सुरेश आचार्यले घिमिरेलाई फोन गरेर फोहोर उठाउन निर्देशन दिए पनि मेयर बलेनले भने, ‘सिंहदरबारको फोहोर बञ्चरेडाँडामा जानु हुँदैन ।
Published Date: 09 April 2023-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1