भक्तपुर, चैत २६ । भोलिबाट सुरु हुने भक्तपुरको ऐतिहासिक बिस्का: जात्रा शान्तिपूर्ण र मर्यादित रुपमा सम्पन्न गर्न आइतबार सुरक्षा निकायका प्रमुखहरुसँग तयारी बैठक सम्पन्न भयो ।
बैठकमा भक्तपुर नगरपालिकाका प्रमुख सुनिल प्रजापति, भक्तपुर जिल्लाका प्रजिअ खगेन्द्रप्रसाद रिजाल, भनपा वडा नं. ९ का वडाध्यक्ष रबिन्द्र ज्याख्व, भनपा वडा नं. ५ का वडाध्यक्ष योगेन्द्रमान बिजुकछेँ, भनपा वडा नं. ४ का वडाध्यक्ष उपेन्द्र सुवाल, भनपाका प्रमुख प्रशासकीय अधिकृत कृष्ण गिरी, इन्द्र बक्स गणका गणपति श्यामराजा विक्रम थापा, गणपति दिनेशकुमार महत, राष्ट्रिय अनुसन्धान जिल्ला कार्यालय भक्तपुरका प्रमुख प्रकाश आचार्य, सहायक सीडिओ माधवप्रसाद शर्मालगायतको उपस्थिति रहेको थियो।
नयाँ वर्ष २०८० को आगमनसँगै २०७९ चैत २७ गतेबाट सुरु हुने ऐतिहासिक तथा सांस्कृतिक महत्व बोकेको जात्रा आठ रात नौ दिनसम्म धुमधामका साथ भक्तपुरमा मनाइने जात्रा हो ।
Published Date: 09 April 2023
