काठमाडौं, चैत २५ । काठमाडौं महानगरपालिकाका मेयर बलेन्द्र शाहले देश सफा गर्न नेताहरुलाई सिसडोलमा फालिदिनुपर्ने बताएका छन् ।
सिसडोल काठमाडौंको फोहोर फाल्ने ठाउँ हो। मेयर शाहले राजनीतिक नेताहरुले देशलाई प्रदूषित गरेकाले देश सफा गर्न फ्याँकिनुपर्ने भन्दै आक्रोश पोखे ।
मेयर शाहले आजदेखि सिंहदरबारको फोहोर नउठाउने घोषणा पनि गरेका छन् । मेयर शाहले शनिबार आफ्नो आधिकारिक फेसबुक पेजमा एक स्टेटस पोस्ट गर्दै सिंहदरबारबाट निस्कने फोहोर कामपाले नउठाउने बताए ।
मेयर शाहले काठमाडौं महानगरपालिकाको फोहोर व्यवस्थापन गर्ने सिसडोलमा बारम्बार नाकाबन्दीमा राजनीतिक दलका स्थानीय नेताहरुको हस्तक्षेप रहेको भन्दै आरोप लगाउँदै आएका छन् ।
उनले सामाजिक सञ्जालमा लेखेका छन्, ‘आजदेखि सिंहदरबारको फोहोर हट्दैन, देशलाई साँच्चै सफा गर्नुपर्छ भने नेताहरूलाई सिसडोलमा फाल्नुपर्छ ।