काठमाडौं, चैत २५ । सरकारले सरकारी स्वामित्वको नेपाल वायुसेवा निगम (नेपाल एयरलाइन्स) को संरचनागत र व्यवस्थापकीय पक्ष अध्ययन गर्न समिति गठन गरेको छ ।
नेपाल राष्ट्र बैंकका पूर्व गभर्नर दीपेन्द्रबहादुर क्षेत्रीको अध्यक्षतामा पाँच सदस्यीय समिति गठन गरिएको छ । समितिमा ओम गुरुङ (कप्तान), टीकाराम राई (मिडिया पर्सन), पियुस आनन्द (चार्टर्ड एकाउन्टेन्ट) र सहारा न्यौपाने सदस्य छन् ।
समितिले अध्ययनपछि प्रतिवेदन तयार गरी सिफारिससहित संस्कृति, पर्यटन तथा नागरिक उड्डयन मन्त्रालयमा पेस गर्नेछ ।
निगमले हाल अन्तर्राष्ट्रिय उडानका लागि दुईवटा वाइडबडी ए३३० र दुईवटा न्यारो बडी ए३२० जहाज र आन्तरिक उडानका लागि दुईवटा ट्विनअटर जहाज सञ्चालन गर्दै आएको छ ।
Published Date: 08 April 2023
